DIU VI SALVI O REGINA

1. Diu vi salvi, o Regina, E Matri Addulurata
Vi sia raccumannata – Chist’arma mia.
Na grazia vurria, Chi chistu cori ingratu
di vostra acuta spata / sia trapassatu.

2. La vita mia è passata / tra tanti gran piccati /
pi grazia prigati - Lu vostru figghiu,
Cu mi dassi cunsigghiu - Di spissu cuntiplari
Di sempre lacrimari - Li mii erruri.

3. Lu cori pri duluri - spizzatimillu vui;
Piccari ‘nu vogghiu cchiu - Chiuttostu mortu
A mia dati cunfortu – Ntral’ultima agunia
E comu matri mia - Nun mi lassati.

4. E poi st`arma purtati - in Celu gluriusa,
O matri pietusa - Eternamenti
E poi cu leta menti - Gridassi quannu arriva;
Viva la Matri. Viva l`Addulurata.